https://mailchi.mp/3ef00b8eedb6/dinkjeug-wenk-van-die-week-07042024?e=dce5668484
| Sondag, 7 April 2024 |
| Intergenerasionele erediens wenkTema: Dag van Danksegging en VerootmoedigingSondag is dit ‘n spesiale Dag van Danksegging en Verootmoediging in die kerk. Maak hierdie geleentheid vriendelik vir verskillende ouderdomme in die erediens. Dit sluit aan by die leesrooster teks (1 Joh 1, veral verse 8 en 9), maar dit kan gedoen word ongeag watter teks oor gepreek word. Hulpmiddels Dinge wat lekker ruik bv. kaneel, kruisement blare, rose, koffiebone, vars kruie, seep, ensovoorts asook ‘n botteltjie lekkerruik olie. Reuke en goeie herinneringe Wys die verskillende items wat lekker ruik (jy kan selfs ‘n paar mense daaraan laat ruik) en vra elkeen moet ‘n reuk kies wat hom/haar dadelik aan ‘n goeie herinnering laat dink bv. kaneel laat my dink aan my ouma se pannekoeke. Laat hulle hulle stories met mekaar deel. Lekkerruik olie Verduidelik dat in die Bybelse tyd die geur van lekkerruik olie jou herinner het aan iemand belangrik, want konings of belangrike mense is met duursame olie gesalf. Maar dit het hulle ook herinner aan iets hartseer – iemand se begrafnis. Daarom is Jesus ook gesalf met olie voor sy kruisdood. Dag van Danksegging en Verootmoediging Verduidelik dat dit ‘n spesiale dag in die kerk is waar ons nederig kniel voor Jesus, wat sy lewe vir ons gegee het. Ons gee in reaksie ons lewe aan Hom oor en sê vir Hom dankie. Ons sê ook jammer in nederigheid vir dit wat ons verkeerd doen / dink (verootmoediging). Moedig almal aan om hulle hande met die palms na bo op hulle skoot te sit (of selfs te kniel) as ‘n teken van oorgawe en dank terwyl jy voortgaan in gebed. Uitdaging van die week – Elke dag hierdie week wanneer jy was met seep of deodorant / lekkerruik goed gebruik, sê vir Jesus dankie vir iets. Die argief van intergenerasionele wenke kan gevind word op DinkJeug se tuisblad by die opskrif “Erediens Wenke”.  Familie TuisbladGesels, doen en bid saam as gesin oor hierdie week se tema.Lees meer hier.Familie AppHierdie week (7-12 April) gesels ons oor die eerste gemeente en hul mededeelsaamheid. Sondag: 1 Johannes 1:1-2:2 ‘n Brief aan een van die eerste gemeentes Maandag: Handelinge 4:32-35 Eensgesindheid Dinsdag: 1 Johannes 1:1-7 Ons glo saam in Jesus Woensdag: Psalm 133:1-3 God gee ons genoeg om alles te deel Donderdag: Johannes 20:19-22 Ons goeie God gee groot geskenke Vrydag: Johannes 20:26-29 Mense wat in Jesus glo, kan nie anders as om daarvan te praat nie Laai die app hier af: Apple iStore Google PlayDinkJeug Kategete PodcastAngs onder tienersLuister hier na die podcast en stuur dit gerus ook aan ouers.#imagine 2024Ongelooflik. Onvergeetlik. Inspirerend. Alle eer aan God vir hierdie geleentheid!Kyk na die hoogtepunte video’s hier onder. Klik bo vir die hoogtepunte video’s van #imagine 2024 Suide in Bredasdorp. |
https://mailchi.mp/02253def3ab2/dinkjeug-wenk-van-die-week-17032024?e=dce5668484
 Sondag, 17 Maart 2024 |
| Intergenerasionele erediens wenk Tema: Lydenstyd (Simbool: Vis eet) Hierdie week is dit die vyfde Sondag in Lydenstyd. Jy kan weer die Lydenstyd simbole uitpak en die vyfde kers van die sewe-kandelaar in die erediens simbolies doodblaas. Kry vooraf klippies / blokkies gereed en koop marshmallow vissies vir die aktiwiteit. #imagine Onthou ook om vir die tieners en volwassenes te bid wat volgende week die #imagine kamp bywoon. Julle sou vir hulle elkeen ‘n pakkie kon gee van die gemeente met ‘n kaartjie, waterbottel en eetgoed. Simbool: vis Gesels: Hoekom is visse ook ‘n simbool vir Lydenstyd? (laat hulle met mekaar gesels) Verduidelik: Hierdie simbool is relatief onbekend vir baie van ons, maar tog het jy dalk gesien dat daar vis (veral kerrievis in die Kaap) in die winkels verskyn rondom Paasfees. Hierdie tradisie om vis te eet op Vrydae is ‘n ou Katolieke gebruik om vir die 7 Vrydae in Lydenstyd van vleis te vas. Vis (i.p.v. vleis) word veral ook op Goeie Vrydag deur baie Christene geëet uit respek vir Jesus (die Lam) wat op ‘n Vrydag aan die kruis gesterf het. Baie mense (bv. in Engeland) het die gebruik om elke Vrydag vis-en-tjips te eet. Julle kan dalk oorweeg om vir die volgende 3 Vrydae ook te vas van vleis en vis te eet. Die ichtus-vis simbool was ook ‘n manier vir die vroeë Christene om hulleself te identifiseer: https://dinkjeug.co.za/wenk-van-die-week-simbole-ichtus/ Simboliese aksie Bou met klippies / blokkies ‘n vis simbool voor in die liturgiese ruimte. Deel daarna marshmallow vissies uit vir elkeen. Die argief van intergenerasionele wenke kan gevind word op DinkJeug se tuisblad by die opskrif “Erediens Wenke”. |